Se Partia Demokratike e Kosovës ka fituar legjitimitetin demokratik për të qeverisur me vendin, nuk e mohon as Lëvizja Vetëvendosje, kundërshtarja më e madhe e partisë së Hashim Thaçit. 

Të paktën kështu shprehet Ylli Hoxha ish kandidat i Vetëvendosjes për deputet, dhe shef i grupit të asamblistëve të kësaj partie në Asamblenë Komunale të Prishtinës. 

Ai përmes një postimi në Facebook, duke komentuar zhvillimet e fundit politike në vend, ka thënë se, ata që kanë menduar se SHIK-u (aludim në qeverisjen e PDK-së), mund të hiqet qafe me mjete demokratike, kanë pasur mendime naive. 

“Asnjë diktator nuk ka ‘shku pej shpije’ pa qitë shkelma. As ky i joni nuk është përjashtim. Ata që kanë shpresuar se e heqim qafe SHIK-un me mjete demokratike janë naivet. Pa ia kombinu terapinë me tre-katër antibiotik kjo dergje nuk hiqet qafe”, ka shkruar Hoxha. (lajmi.net)