“Të deklarosh në Prishtinë se e ashtuquajtura Kosovë duhet të jetë anëtare e Këshillit të Evropës dhe në Beograd të flasësh për perspektivën evropiane të Serbisë është hipokrite, por edhe ofenduese”, citon Radio Evropa e Lirë në edicionin serb të ketë thënë Vulini, përcjell lajmi.net.

Ai vlerësoi se “nuk ka vend në Këshillin e Evropës për shtetin e Serbisë dhe territorin e Kosovës nën administrimin e përkohshëm të Kombeve të Bashkuara (OKB)”.

I dërguari gjerman për Ballkanin Perëndimor, Manuel Sarrazin, shkroi në Twitter se “Kosova është në zemër të Evropës” dhe se ajo ka vend në Këshillin e Evropës, si dhe se pozicioni i Gjermanisë për këtë çështje është i qartë.

Më 12 maj, Kosova aplikoi për anëtarësim në Këshillin e Evropës.

Si kundërpërgjigje e kësaj, Nikola Selakoviq tha se do të punojnë për çnjohje të Kosovës. Ministrja e Punëve të Jashtme dhe Diasporës së Kosovës, Donika Gërvalla-Schwarz, ka thënë se nuk ka kurrfarë informacioni se dikush do ta çnjoh sovranitetin e Kosovës. /Lajmi.net/