Vuçiq serbëve të Kosovës: Dilni në zgjedhje

10:02 | 19 Maj 2019

Këtë të diel janë hapur prej orës 07:00 të gjitha qendrat e votimit në katër komunat veriore të Kosovës, në Leposaviq, Zveçan, Zubin Potok dhe në Mitrovicën e Veriut.

Pak kohë para nisjes së votimeve, Presidenti i Serbisë, Aleksandër Vuçiq i ka ftuar të gjithë serbët e Kosovës që të marrin pjesë masivisht në zgjedhje.

Kjo thirrje sipas tij, siç shkruajnë mediat serbe, bëhet me qëllim që të gjithë qytetarët të tregojnë vullnetin se sa realisht e duan dhe e admirojnë shtetin e Serbisë.

“Le të dalin nesër në zgjedhje, të votojnë sipas ndërgjegjes së tyre, në katër komunat veriore të Kosovës. Le të dalin e të tregojnë se sa e duan Serbinë dhe të tregojnë se do të luftojnë për të ardhmen e atyre. Kjo është lutja ime”, ka thënë Vuçiq për televizionin serb “Pink”.