Vuçiq: Përpjekje të reja për mashtrim nga Albin Kurti
Aleksandar Vuçiq e ka quajtur si kalkuluese lëvizjen e djeshme të kryeministrit Albin Kurtit.
Lajme
Presidenti i Serbisë, Aleksander Vuçiq, e ka quajtur si kalkuluese lëvizjen e djeshme të kryeministrit Albin Kurtit, i cili mori vendim për heqje të pjesshme të taksës 100 %, fillimisht për produktet bazë që importon Kosova nga Serbia, raporton “Tanjug”, transmeton lajmi.net.
“Një ditë përpara udhëtimit tim në Washington ai vendosi për taksën, në mënyrë që të mos e shtroja si problematikë atje”, tha Vuçiq i cili e akuzoi Kurtin për mashtrim.
“Ky është një truk dhe përpjekje e re për mashtrim nga Kurti”, shtoi ai.
Vuçiq ka thënë se Richard Grenell ka plotësisht të drejtë kur e kundërshton një vendim të tillë të Kurtit për heqje të pjesshme të taksës.
Përveç tjerash Vuçiq i ka bërë edhe një pyetje Kurtit rreth asaj se kush e ka këshilluar që ta marrë një vendim të tillë.
“ A ishte ide e jotja, apo dikush të ndihmoi?”, ka pyetur Vuçiq. /Lajmi.net/