Rastin për lajmi.net e ka konfirmuar edhe zëdhënësi i policisë në rajonin e Prishtinës, Agron Borovci.

Është bërë e ditur nga policia se rasti ka ndodhur në rrugën “Bajram Gashi” në Lipjan ku një person rreth moshës 36 vjeçare është gjetur pa shenja jete.

“Me të marrë informatën policia ka dalë në vendin e ngjarjes dhe këqyrja fillestare e vendngjarjes është konstatuar se një mashkull rreth 36 vjeç, që është konfirmuar si punëtori i lokalit në fjalë është pa shenja jete, dhe ka një plagë që dyshohet të jetë shkaktuar nga arma e zjarrit”, thuhet në raportin e policisë.

Rasti nga policia po hetohet si vdekje e dyshimtë. /Lajmi.net/