Mjekja Dushanka Andrejeviq është vrarë sonte teksa po punonte në Shtëpinë e Shëndetit në Zubin Potok.

Drejtori i Qendrës Shëndetësore në veriun e Mitrovicës, Millan Ivanoviq deklaroi se mjekja ka humbur shumë gjak dhe është sjellur në spital pa shenja jete.

Mjekja është vrarë me të shtëna nga arma e zjarrit, kurse vrasësi është arrestuar, tha për agjencinë Tanjug shefi rajonal i PK-së, Zhelko Bojiq, i cili dha edhe inicialet e vrasësit të dyshuar V.N.

Te i dyshuari është gjetur arma nga e cila, si supozohet, është kryer vrasja.

Motivi i vrasjes ende nuk dihet, kurse pjesëtarët e Policisë së Kosovës janë në vendin e ngjarjes duke hetuar këtë krim.