“Falë vullnetit të mirë, urtësisë dhe dorës së Zotit, sot këto dy familje u bashkuan në paqe dhe mirëkuptim. Lutem që ky hap të jetë shembull për të gjithë ne, se sado e rëndë të jetë një plagë, falja dhe pajtimi janë gjithmonë rruga më e mirë. Një respekt i veçantë për familjen Zhegrova, e cila në këtë proces tregoi maturi, pjekuri dhe burrëri të vërtetë, duke vënë interesin e paqes përpara gjithçkaje tjetër. Zoti e bekoftë secilin që punon për qdo pajtese”, ka shkruar Kadriu në Facebook.

Gjykata Themelore në Prishtinë e ka dënuar më 4 qershor të këtij viti, me 20 vjet burgim Orges Zhugollin.

Aktgykimi u shpall nga kryetari i trupit gjykues, Ertan Sejfulla.

Në shpallje mungoi i akuzuari dhe prokurori i shtetit, kurse i pranishëm ishte avokati Naim Rudari.

Gjykatësi Sejfulla në seancën e 27 majit 2025 e shpalli fajtor Zhugollin për veprën penale të “Vrasjes”, ndërsa e liroi nga akuza për “Armëmbajtje pa leje”, për shkak se nuk është provuar se ka kryer veprën penale.

Ndërkaq, sipas aktakuzës së Prokurorisë Themelore në Prishtinë, më 12 shtator 2023 afër marketit “Melis”, që gjendet në fshatin Gllamnik të Podujevës, i pandehuri Orges Zhugolli kishte privuar nga jeta tani të ndjerin A.Zh., për shkak të një konflikti që kanë pasur në komunikacion.

Postimi i plotë i Kadriut në Facebook: