Trajneri i Real Madridit, Carlo Ancelotti ka deklaruar se Cristiano Ronaldo e meriton Topin e Artë. Ylli portugez është në garë me mesfushorin e Bayern Munichut, Franck Ribery dhe sulmuesin e Barcelonës, Lionel Messi, për çmimin e futbollistit më të mirë të vitit në botë.

Por, Ancelotti beson se Ronaldo meriton të dalë fitues për atë që është duke shfaqur në fushë.

“Cristiano Ronaldo meriton ta fitojë Topin e Artë. Ai është vrasës”, deklaroi Ancelotti i cili e lavdëroi Ronaldon, futbollistin kryesor të skuadrës së tij, gjatë një interviste për Cadena Ser.

“Për mua ai gjendet para Lionel Messit dhe Franck Riberys”, u shpreh strategu italian i cili mori drejtimin e Real Madridit në fillim të këtij sezoni kur erdhi nga Paris Saint-Germain.