Këtë qëndrim të Putinit,  e bëri të ditur presidenti i Serbisë, Tomislav Nikoliq.

“Putin ka thënë qartësisht se Serbia mund të mbështetet në Rusinë kudo që Serbia është duke e mbrojtur integritetin e saj territorial dhe pavarësinë, e veçanërisht në Kosovë”, ka thënë Nikolic, pas një takimi me Putinin në Moskë, transmeton lajmi.net.

Serbia, e cila gjithmonë është njohur për lidhjet e saj të ngushta me Rusinë, llogarit në mbështetjen e Moskës sa i përket luftës së saj diplomatike për të parandaluar Kosovën që t’i bashkohet Kombeve të Bashkuara.

Putin dhe Nikolic gjithashtu kanë diskutuar edhe marrëveshjen e fundit e cila e lejon personelin e NATO-së të jetë prezent në Serbi.

Vizita e Nikolicit në Rusi ka ndodhur për shkak se Beogradi është duke kërkuar reforma që do e vënin Serbinë në rrugën e sigurt drejt Bashkimit Evropian, rrugë e cila mbështetet fuqishëm nga kryeministri Aleksandar Vucic, raporton lajmi.net.

Nikolic, lider i hapur pro-rus, shpesh flet kundër afrimit të Serbisë me BE-në, e veçanërisht kundër marrëdhënieve me NATO-në. /lajmi.net