24 Marsi shënon përvjetorin e ditës së fillimit të bombardimeve të NATO-s mbi agresorin serb në Kosovë.

Presidentja e Kosovës, Vjosa Osmani ka kujtuar 26 vjetorin e bombardimeve të NATO-s duke thënë se kjo është dita kur liria mori krahë, transmeton lajmi.net

“Dita kur aleatët e NATO-s u ngritën kundër së keqes, për ta mbrojtur një popull që po luftonte për ekzistencë, i rrezikuar nga regjimi gjenocidal i Serbisë. Ishte dita kur ndaj errësirës triumfoi drita e shpresës”, tha ajo.

Osmani kujtoi edhe të rënët për liri duke falenderuar mbështetjen ndërkombëtare për përkrahjen e kauzës së Kosovës.

“Lavdi të gjithë të rënëve për liri! Falënderim aleatëve që ndihmuan kauzën tonë për Kosovën shtet të lirë, të pavarur e sovran!”, ka shkruar Osmani në Facebook.

Kujtojmë se bombardimet e NATO-s filluan me 24 mars duke zgjatur gjithsej 78 ditë./Lajmi.net/