Një nga ish lojtarët e Arsenal, Emmanuel Petit, ka dhënë mendimin e tij lidhur me stolin e Arsenal, i cili tashmë ka mbetur bosh, pas shkarkimit të Unai Emery.

Petit beson se Patrick Vieira do të ishte njeriu i duhur për të kthyer lavdinë tek Arsenal, pas krizës që ka kapluar skuadrën.

“Ne kemi nevojë për një trajner të ri që vjen dhe ndërron mentalitetin në dhomën e zhveshjes. I kthen skuadrës shpirtin dhe rëndësinë e fanellës së Arsenal. T’i hedh lojtarët në fushë me vetëbesim. Sepse gjërat mund të ndryshojnë” ka thënë Petit, transmeton lajmi.net.

Një nga emrat që po përmendet si potencial për stolin e Arsenal është Nuno Santo i Wolves dhe Mikel Arteta. /Lajmi.net/