Vazhdon telenovela, me të njëjtin protagonist, Arturo Vidal.

Mesfushori kilian, në qendër të spekulimeve të vazhdueshme rreth transferimit nga Juventus në Manchester United, i ka shtuar ato duke nënshkruar fanellën e një tifozi të gjigantit anglez.

Në Sydney, ku Bianconerët zhvilluan një ndeshje miqësore kundër skuadrës së A-League All Stars, Vidal nuk luajti për shkak se ende ka telashe me gjurin.

Por, ai pati fuqi që të shkojë deri tek një tifoz i Unitedit për ta nënshkruar fanellën e tij.

Tifozët e Unitedit shpresojnë që së shpejti Vidal të nënshkruajë edhe kontratën në Old Trafford.