Vetëm edhe gjashtë gola, Ronaldo ka mundësi ta rrëmbejë ‘Këpucën e Artë’

Dy golat e mbrëmshëm të Cristiano Ronaldos e kanë futur atë në listën e ngushtë për fitimin e 'Këpucës së Artë' në Evropë.

Sport

12/07/2020 22:13

Juventusit i kanë mbetur edhe gjashtë ndeshje për të luajtur në Serie A këtë term, dhe Ronaldo është vetëm gjashtë gola larg liderit aktual, Robert Lewandowski.

Fitimi i çmimit do të ishte suksesi i pestë i tillë në karrierën e portugezit, dhe ai ka qenë në top formë që nga rikthimi pas pandemisë Covid-19, përcjell lajmi.net.

Në gjashtë ndeshjet e luajtura në këtë periudhë, Ronaldo ka shënuar shtatë gola edhe pse katër prej tyre kanë qenë nga pika e penalltisë.

Ronaldo nuk e ka fituar ‘Këpucën e Artë Evropiane’ që nga sezoni 2014/15, kur ai shënoi 48 gola për Real Madrid. Në tre sezonet e fundit, Ronaldo madje nuk është futur në tre golashënuesit më të mirë në Evropë. /Lajmi.net/