Veseli e kujton Komandant Kumanovën si atdhetar të madh, të guximshëm dhe të pathyeshëm

15:03 | 25 Gusht 2019

Kryetari PDK-së, Kadri Veseli, në 21 vjetorin e rënies ka përkujtuar Ismet Jasharin i njohur si Komandant Kumanova.

Veseli në një postim në Facebook ka thënë se Ismet Jashari, komandant “Kumanova”, ishte një prej luftëtarëve më të hershëm të Ushtrisë Çlirimtare të Kosovës.

Postimi i plotë:

Ismet Jashari – komandant “Kumanova”, ishte një prej luftëtarëve më të hershëm të Ushtrisë Çlirimtare të Kosovës. “Liria e një populli fitohet vetëm me gjak!” – thoshte gjithmonë dhe për lirinë tonë e dha edhe jetën. Sot, në 21 vjetorin e rënies heroike, e kujtojmë si atdhetar të madh, të guximshëm dhe të pathyeshëm. Rënia e tij, në përpjekje për t’i marrë trupat e ushtarëve të rënë, ishte një humbje e madhe për UÇK-në. /Lajmi.net/