Gazeta gjermane pohon se kontakti direkt me Moskën do ta ketë komandanti kryesor i NATO-s në Evropë dhe kreu i komitetit ushtarak të aleancës dhe besohet se i ashtuquajturi “telefon i kuq” do të jetë “vazhdimisht i hapur”.

Iniciativën për rivendosjen e kontakteve e nxiti  shefi i diplomacisë gjermane Frank-Walter Steinmeier për arsye të rritjes së tensioneve në botë të shkaktuara me konfliktin në Ukrainë.

Ai ka propozuar rivendosjen e lidhjes direkte ndërmjet dy komandave, në mënyrë që të parandalohet përplasja direkte në rast se kriza thellohet më shumë.

Ky është tentimi i parë i lidhjes direkte mes dy komandave ushtarake pas ndërprerjes së Luftës së Ftohtë.

Një linjë e tillë direkte telefonike, e quajtur “telefoni i kuq”, ka ekzistuar edhe ndërmjet Washingtonit e Moskës, në kohën e krizës së Karaibeve, në vitin 1962, kur bota ishte në prag të luftës bërthamore ndërmjet dy superfuqive.