Demir Limaj, vëllai i kryetarit të Nismës Socialdemokrate, Fatmir Limajt, ka reaguar përmes një postimi në rrjete sociale, pas kritikave që kanë pasuar takimin e fundit mes Limajt dhe kryeministrit Albin Kurti.

Në një koment të ngarkuar emocionalisht, Demir Limaj u ka dhënë mbështetje publike vëllait të tij, duke e quajtur “udhëheqës të pathyeshëm në kohë lufte dhe udhërrëfyes të urtë në paqe”. Ai ka nënvizuar se sulmet dhe shpifjet nuk e lëkundin një lider që ka kaluar stuhitë me nder, transmeton lajmi.net

“Kur gënjeshtra bërtet me zë të lartë, shpesh është nga frika e së vërtetës që flet në heshtje! Një lider i vërtetë nuk matet me thashetheme, por me gjurmët që lë në kohë… Fjalët e kota bien si shi mbi shkëmbin që nuk lëkundet,” ka shkruar ndër të tjera Limaj në postim.

Reagimi vjen pak ditë pasi Fatmir Limaj u pa në një takim me kryeministrin Albin Kurti – takim që nxiti reagime të shumta brenda dhe jashtë spektrit opozitar. Limaj u kritikua për atë që disa e panë si një hap drejt afrim-bashkëpunimi me Vetëvendosjen, pavarësisht qëndrimeve të mëhershme të Nismës ndaj Qeverisë Kurti.

Demir Limaj përmbyll reagimin me një mesazh të qartë për vëllain e tij: “Krenar përjetësisht me ty, vëlla!”

Postimi i plotë: