Veliu uron Grenellin për postin e ri: Kam besim se angazhimi i tij për paqen në rajon do të jetë më i madh
Ministri i brendshëm i Kosovës Agim Veliu e ka uruar Richard Grenellin për postin e ri si udhëheqës i inteligjencës amerikane.
Lajme
Richard Grenell i cili është njëkohësisht edhe ambasador i SHBA-ve në Gjermani dhe I Dërguari i Posaçëm i Presidentit të SHBA-ve Donald Trump për dialogun Kosovë – Serbi është emëruar edhe si udhëheqës i përkohshëm i inteligjencës Amerikane, shkruan lajmi.net.
Ministri Veliu nëpërmjet një postimi në Twitter është shprehur se angazhimi i tij për Kosovën dhe regjionin është krucial.
Më tutje, Veliu krahas urimit ka shprehur besim se angazhimi i tij për paqen në regjion do të jetë edhe më i madh.
“Angazhimi i SHBA-ve dhe ambasadorit Richard Grenell në proceset vitale për Kosovën dhe regjionin është kruciale. Unë e uroj nga zemra për emërimin e ri si kreu i inteligjencës Amerikane. Kam besim se angazhimi i tij për paqen në regjion do të jetë edhe më i madh”, ka shkruar Veliu. /Lajmi.net/
The engagement of the US and Amb. @RichardGrenell – in vital processes for Kosovo and the region – is crucial. I heartily congratulate him on the new appointment as head of American intelligence. I am confident that his commitment for peace in the region will be even greater.
— Agim Veliu (@Agim_Veliu) February 21, 2020