Vdes një person në Prishtinë pasi u sulmua tek shkallët e nënkalimit

Policia e Kosovës njofton se sot në ora 17:51 ka pranuar një informatë për një rrahje tek nënkalimi i rrugës “Bill Clinton” në Prishtinë, gjegjësisht tek shkallët.

Lajme

20/07/2019 20:20

Bëhet e ditur se një person është dërguar në emergjencë, i cili kishte pësuar lëndime të rënda në atë vend që dyshohet të kenë ardhur nga rrahja dhe si pasojë ka ndërruar jetë.

Momentalisht policia po mbledh të dhëna dhe detaje tjera rreth këtij rasti.

Lajmi.net ka tentuar të marrë detaje shtesë lidhur me rastin nga Policia e Kosovës, mirëpo nuk ka marrë ende përgjigje.