Vdes një person, hedhet nga dritarja e spitalit
Një person ka vdekur të hënën në Komunën e Gjakovës. Sipas Policisë së Kosovës, viktima është hedhur nga kati i parë i dritares së spitalit rajonal “Isa Grezda”, i cili arritur t`i mbijetojë plagëve të marra.
Lajme
Një person në Komunën e Gjakovës ka ndërruar jetë në orët e para të mëngjesit të ditës së hënë, raporton Policia e Kosovës.
Në një komunikatë të Policisë së Kosovës, thuhet se pacienti (viktimë) është hedhur nga kati i parë i spitalit rajonal “Isa Grezda”, rreth orës 24, ndërsa pas lëndimeve të marra ka ndërruar jetë rreth orës 03:30.
“Policia e Kosovës pranë stacionit policor në Gjakovë , rreth orës 09:00 të datës 24.02.2014 , është njoftuar nga personeli i Spitalit Rajonal “ Isa Grezda “ Gjakovë, lidhur me një pacient (viktimë), i cili ishte i hospitalizuar në repartin e ORL-së dhe ishte hedhur në tokë nga dritarja e katit parë, me ç’rast ishte dërguar menjëherë për tretman mjekësor”.
“Rasti kishte ndodhur rreth orës 00:10 të datës 24.02.2014 , mirëpo i njëjti rreth orës 03:30 kishte ndërruar jetë”.
“Ky pacient në kohën përderisa ka qëndruar në repart ishte i vetmuar pa ndonjë pacient tjetër,dhe me të dëgjuar një zhurmë, menjëher
“Rasti është duke u hetuar nga Njësiti i Hetimeve Rajonale , si hetim i vdekjes. Lidhur me rastin është njoftuar edhe Prokurori i Shtetit”.