Silvio Berlusconi, ish-kryeministri italian dhe ish-presidenti i AC Milan ka vdekur në moshën 86-vjeçare.

Lajmi është konfirmuar nga mediat italiane dhe ato më të mëdha ndërkombëtare, transmeton lajmi.net.

Klubet dhe figurat e njohura të futbollit botëror kanë reaguar për vdekjen e Berlusconit.

Real Madridi me anë të një deklaratë të publikuar në uebfaqen zyrtare ka shprehur keqardhje për vdekjen e italianit ndërsa i ka shprehur ngushëllime.

“Real Madrid CF, Presidenti i tij dhe Bordi i Drejtorëve të tij shprehin keqardhje të thellë për vdekjen e Silvio Berlusconit, presidenti legjendar i AC Milan midis 1986 dhe 2017 dhe presidenti aktual i AC Monza”.

“Real Madrid dëshiron të shpreh ngushëllimet e tij për familjen dhe të dashurit e tij, si dhe për tifozët e futbollit italian, veçanërisht ata të AC Milan dhe AC Monza” – thuhet ndër tjerash në deklaratën e Real Madridit.

Berlusconi u shtrua në spital të premten e kaluar në spitalin e San Raffaele në Milano, më pak se një muaj pasi u largua nga ai pasi kaloi 44 ditë në spital për një infeksion të mushkërive./Lajmi.net/

Comunicado Oficial: fallecimiento de Silvio Berlusconi.#RealMadrid

— Real Madrid C.F. (@realmadrid) June 12, 2023