Vazhdojnë reagimet e serbëve ndaj deklaratës së Erdoganit
Aleksandar Vuçiq dëshiron të besojë që Erdogan nuk ka dhënë deklaratë kërcënuese ndaj serbëve të Bosnjës.
Lajme
Kryeministri i Serbisë, Aleksandar Vuçiq ka deklaruar se nuk beson që kryeministri i Turqisë, Recep Tayyip Erdogan ka thënë se “çdo kush që i prek boshnjakët, i ka 100 milionë turq kundër tyre”.
Mirëpo, kështu nuk mendon edhe kryetari i Republika “Sërpska-s”, Millorad Dodik, i cili thotë se Erdogan ka deklaruar një gjë të tillë.
“Dodik ka të drejtë në mendimin e vet. Dëshiroj t’i besoj ambasadorit të Turqisë në Beograd, i cili më ka thënë se nuk ka pasur një deklaratë të tillë, por nuk kam arsye as të neglizhoj apo të hedh poshtë brengosjen e Dodikut”, ka thënë Daçiq gjatë një konference të përbashkët për gazetarë me Dodikun dhe ministrin e Jashtëm serb, Iivica Daçiq.
Kryeministri i Serbisë, i ka bërë thirrje Ankarasë që të ketë parasysh stabilitetin e brishtë në rajon.
Ndërsa, Dodik ka deklaruar se është i sigurit që Erdogan ka thënë diçka të tillë. Sipas tij, “ai që është në gjendje të ndalojë Twitterin, mund të heqë edhe deklaratat nga mediat”.