Qendra Kombëtare për Menaxhim Kufitar ka publikuar të dhënat e fundit për fluksin nëpër pikat kufitare me Serbinë.

Në bazë të këtyre të dhënave, që nga mëngjesi bashkatdhetarët janë duke u përballur me pritje prej katër orësh në dalje  të Kosovës në pikën kufitare në Merdare, shkruan lajmi.net.

Në këtë pikë kufitare kolona në dalje të Kosovës është 2 kilometra e gjysmë.

Po ashtu në Merdare ka pritje e kolonë të gjatë edhe në hyrje të  Kosovës.

Mbi dy orë e gjysmë ose saktësisht 160 minuta bashkatdhetarët janë duke pritur për të hyrë në Kosovë, kurse kolona është 550 metra.

Po ashtu edhe te Dheu i Bardhë ka kolonë dhe pritje si në hyrje ashtu edhe në dalje të Kosovës.

40 minuta është pritja dhe 250 metra e gjatë është kolona për në hyrje të Kosovës, kurse në dalje të Kosovës është një orë dhe kolona është e gjatë 250 metra.

Sipas këtyre të dhënave në të gjitha pikat e tjera kufitare të Kosovës pritja nuk është me e madhe se 15 minuta si në hyrje ashtu edhe në dalje të Kosovës. /Lajmi.net/