Vazhdojnë kolonat në kufi, pritje deri në dy orë në Merdare

9:24 | 21 Korrik 2019

Foto: Ilustrim

Pritjet dhe kolonat e gjata në kufirin Kosovë – Serbi kanë vazhduar edhe mëngjesin e ditës së diele.

Pritjet më të gjata, si rëndom, janë në Merdare dhe te Dheu i Bardhë.

Sipas Qendrës Kombëtare për Menaxhim Kufitar, në pikën kufitare Merdare, pritjet për në hyrje të Kosovës janë 60 deri në 90 minuta, derisa kolonat kanë shkuar deri në 250 metra, shkruan lajmi.net.

Ndërsa për të dalë nga Kosova pritjet janë deri në 20 minuta, kurse kolonat kanë shkuar deri në 80 metra

Sipas publikimit të fundit të kësaj Qendre, edhe në pikën kufitare Dheu i Bardhë ka pritje dhe kolonë.

Në këtë pikë kufitare pritja për në hyrje të Kosovës është deri në 30 minuta, derisa kolonat kanë shkuar deri në 100 metra,  kurse për të dal nga Kosova pritjet janë deri në 50 minuta. /Lajmi.net/