Urimi i Rektorit Demaj për festen e Fitër Bajramit

12:37 | 15 Qershor 2018

Rektori i Universitetit të Prishtinës “Hasan Prishtina”, Marjan Demaj ka uruar studentët dhe qytetarët e Kosovës me rastin e festes së Bajramit.

Urimi i Rektorit:

Të dashur studentë,

I nderuar personel i Universitetit të Prishtinës dhe gjithë ju qytetarë të besimit islam,

Ju uroj nga zemra, gëzuar Fitër Bajramin! Me lutjen që tu jetë pranuar agjërimi si sakrificë e përkushtim ndaj besimit tuaj, uroj që kjo festë të ju gjejë me shëndet dhe në harmoni!

Me këtë rast, lutem që kjo festë të gjejë mbarë popullin shqiptar të bashkuar dhe të vendosur për zgjidhjen e të gjitha sfidave me të cilat ballafaqohemi në rrugëtimin tonë drejt të ardhmes dhe zhvillimit të Kosovës.

Universiteti i Prishtinës “Hasan Prishtina” vazhdon të jetë i përkushtuar drejt misionit të tij, për të ofruar arsimim më cilësor, duke kontribuuar në këtë mënyrë në të ardhme më të mirë për të gjithë qytetarët./Lajmi.net/