E të punosh në të ka qenë ndjenjë madhështore, ndjesi shpirtërore e pazëvendësueshme, ka qenë diçka e shenjtë, thotë ai, për të shtuar se njësoj, krejt njësoj, ishte edhe po të ishe student i këtij Universiteti, shkruan Koha Ditore.

“Atëherë ka qenë e paimagjinueshme për profesorët dhe studentët që të mos shkojnë në Universitet. Aty ishin të gjithë, që para orarit e deri pas tij. As që është menduar se do të vijë një ditë kur në këtë universitet, vijimi i ligjëratave nga profesorët dhe studentët do të bëhet përmes listave të evidencës. Universiteti dikur ka qenë ‘shtet në shtet’ për nga autonomia, liria e vendimeve, puna shkencore. E sot Universiteti është shndërruar një institucion social, vend ku vrapohet pas interesit material, honorarëve…”. (Koha Ditore)