Ulet numri i migrantëve në Greqi gjatë marsit

Lajme

19/04/2016 21:05

Marrëveshja BE-Turqi, e shoqëruar me politika më të rrepta të sigurimit të kufijve nga ana e Maqedonisë, në kufijtë e saj me Greqinë, dhe operacioni i NATO-s në detin Egje ka rezultuar në muajin mars me një reduktim të konsiderueshëm në numrit të emigrantëve, të cilët mbërrijnë në ishujt grekë, njoftoi agjencia zyrtare turke e lajmeve, Anadolu Agency (AA).

Sipas raportit të Agjencisë Evropiane për Menaxhim të Bashkëpunimit Operacional të Kufijve të Jashtëm (FRONTEX), totali i emigrantëve, të cilët janë parë të kalojnë kufijtë e jashtëm BE-së në Mesdheun Lindor gjatë  muajit mars ka arritur në 26 460, që është gjysma e atyre të shkurtit.

“Në përputhje me marrëveshjen BE-Turqi miratuar nga Këshilli i Evropës më 17-18 mars, Greqia deklaroi se do të kthente në Turqi emigrantët që arrijnë në ishujt e saj pas datës 20 mars. Rreth 3 500 emigrantë kanë mbërritur në Greqi në 11 ditët e fundit të muajit mars. Ky numër lidhet me shifrat prej 22 900 personash, të cilët janë zbuluar të kenë kaluar ilegalisht kufijtë në ishujt grekë dhe në pjesën tjetër të rrugës së Mesdheut mes datave 1 dhe 20 mars”, thuhet mes tjerash në njoftimin e FRONTEX-it.