Ua ndërrojnë emrat lojtarëve të Man Utd
Televizioni zyrtar i Manchester United, MUTV e ka bërë një skandal, duke ua huqur totalisht emrat futbollistëve të këtij klubi, gjatë miqësores me Interin.
Sport
Gjatë ndeshje para-sezonale ndërmjet Manchester Unitedit dhe Interit, televizioni zyrtar i klubit anglez e ka bërë një skandal, duke i gabuar emrat e futbollistëve në mënyrë të pabesueshme.
Ne e dimë se United i ka bërë disa ndryshime nën drejtimin e menaxherit të ri, Louis van Gaal, por për këtë gabim nuk ka pardon.
Vetëm Danny Welbeck e Ashley Young u janë dhënë emrat e tyre, duke jua përshtatur me fotografi. Të tjerët, të gjithë janë gabim.
Mijëra tifozë nga mbarë bota kanë mbetur gojëhapur kur e kanë para këtë skandal, para ndeshjes që u zhvillua në Shtetet e Bashkuara të Amerikës.
Gjithashtu, në ekranin gjigant shkruante se ndeshja po zhvillohej në Old Trafford, e në fakt ndeshja u luajt në stadiumin FedEx Field.