Një person është qëlluar me armë zjarri derisa po voziste në rrugën “Beqir Kastrati” në Gjakovë nga një automjet tjetër.

Zëdhënësi i Policisë së Kosovës për rajonin e Gjakovës, Sheremet Elezaj ka thënë për lajmi.net se viktima nuk ka pësuar lëndime trupore.

Sipas Elezajt, Policia është në kërkim të të dyshuarit.

“Rreth orës 16:50, një burrë ka raportuar në polici se derisa po lëvizte me veturën e tij në rrugën “Beqir Kastrati” në Gjakovë, është qëllua me armë zjarri nga një automjet tjetër. Viktima nuk ka pësuar lëndime trupore. Njësitet e nevojshme policore kanë dalë menjëherë në vendin e ngjarjes dhe është filluar me hetime për zbardhjen e rrethanave. Prokurori i Shtetit është informuar për rastin, përderisa jemi të angazhuar për të identifikuar dhe arrestuar të dyshuarin/it”, tha Elezaj