Klubi i Basketbollit Trepça ka zyrtarizuar trajnerin e ri, boshnjakun Adis Beqiragiq.

Lajmi është konfirmuar nga faqja zyrtare e klubit mitrovicas në rrjetet sociale, shkruan lajmi.net.

“Mirësevjen Adis Beqiragiq. Të nderuar kemi kënaqësinë t’u njoftojmë që Adis Beqiragiq është trajner i ri i skuadrës sonë.  Beqiragiq është trajner i dëshmuar në basketbollin tonë dhe shumë i suksesshëm” – thuhet ndër tjerash në njoftimin e klubit mitrovicas.

Beqiragiq më parë ishte pjesë e Golden Eagle Yllit ndërsa është përzgjedhës edhe i Kombëtares së Bosnjës dhe Hercegovinës.

Trajneri boshnjak do të zëvendësojë Ilir Selmanin që e udhëheqi Trepçën në dy finalet e fundit të “Play-Off”-it të Superligës së Kosovës.

Trepça humbi në finale kundër Pejës duke mos arritur ta sjellë trofeun e shumëkërkuar në Mitrovicë edhe pas një dekade./Lajmi.net/