Trajneri i Danimarkës: Kosova e ka dëshmuar që luan futboll të mirë
Trajneri i Danimarkës, Age Hareide, e ka lavdëruar lojën e Kosovës para përballjes së të enjtes në miqësore.
Sport
Kosova në ‘Fadil Vokrri’ të enjten me fillim nga ora 19:00, takohet me Danimarkën, ndeshje kjo miqësore para asaj me Bullgarinë për Euro 2020.
“Janë kualifikuar tutje në Ligën e Kombeve, kanë sulmues të mirë, kanë lojtarë të mirë që e transferojnë shpejtë lojën”, ka deklaruar Hareide, përcjell ‘lajmi.net’.
“Kanë lojtar që luajnë në Werder Bremen, në Francë te Reims, e kanë dëshmuar që luajnë mirë, kam respekt për kombëtaren e Kosovës”.
Kujtojmë se Danimarka zë vendin e dhjetë në renditjen e FIFA-s./Lajmi.net/