Katalanët me shumë mund morën tre pikë në ‘Camp Nou’, kur me një gol të Lionel Messit, mposhtën 1:0 Real Sociedadin.

Në minutën e 80’, topi u prek aksidentalisht me dorë nga një mbrojtës i mysafirëve, dhe gjyqtari dha penallti pas një rishikimi në VAR, të cilën në gol e ktheu Lionel Messi.

“E dinim se do të ishte një ndeshje jashtëzakonisht e rëndë, mendoj se (Real Sociedadi) i ka fituar gjashtë ndeshjet e fundit duke përfshirë një në Bernabeu. Janë në finale të Kupës (së Mbretit), janë të mirë me posedimin e topit, nuk e dorëzojnë kurrë. Nëse të bëjnë presion, mund të të dëmtojnë. Kanë lojtarë cilësorë”, ka deklaruar Quique.

“Duke i veçuar disa periudha të caktuara, ne e kontrolluam lojën. Pastaj, kishim momente të vështira, por prodhuam rrezik”.

“Fituam falë VAR-it. Nuk e pashë (momentin e penalltisë) nga banka, isha shumë larg”./Lajmi.net/