Tottenham ka marrë një fitore të rëndësishme ndaj Leeds.

Ndeshja në mes Tottenham – Leeds kishte spektakël golash, me ‘Spurs’ që triumfuan 4:3.

Ne epërsi fillimisht kaluan Leeds, pasi në minutën e 10` shënoi Summerville.

Tottenham më pas po vërsulën drejt portës së mysafirëve.

Në minutën e 25` ishte Harry Kane që barazoi shifrat.

Por, pak minuta pa përfunduar pjesa e parë Leeds riktheu sërish epërsinë. Në minutën e 43` realizoi Rodrigo, për 1:2.

Pjesa e dytë ishte edhe më e zjarrtë, pasi u shënuan edhe katër gola.

Fillimisht ishin vendasit që barazuan rezultatin.

Po rridhte minuta e 51` kur Davies shënoi dhe çoi shifrat në 2:2.

Në minutën e 76` Rodrigo shënoi përsëri, duke dhënë epërsinë për herë të tretë në këtë takim Leeds.

Por, Tottenham nuk u dorzuan, dhe arritën që të përmbysin rezultatin.

Në minutën e 81` Bentancur barazoi rezultatin në 3:3.

Kurse, i njëjti shënoi edhe dy minuta më vonë, për t`i dhënë një fitore të rëndësishme ‘Spurs’.

Me këtë fitore Tottenham gjendet në vendin e tretë me 29 pikë.

Ndërsa, Leeds pozicionohen në vendin e 14 me 15 sosh./Lajmi.net/