Toni Kroos pyetet për përfundimin e karrierës – thotë se nuk është larg të ndodhë

Sport

12/05/2022 14:13

Toni Kroos, i ftuar në një podcast, foli për shumë gjëra në lidhje me të dhe skuadrën e tij, përpara ndeshjes finale të Champions League që do të luhet më 28 maj kundër Liverpoolit.

Ndër të tjera, gjermani u pyet edhe për kohën se kur do të tërhiqet nga futbolli i luajtur.

Ndonëse nuk dha ndonjë kohë specifike, 32-vjeçari e pranoi tashmë kjo periudhë është duke u afruar.

“Mund të jetë afër (përfundimi i karrierës), nuk e mohoj këtë”, tha mesfushori.

Ai gjithashtu foli edhe për sfidën ndaj Manchester Cityt të cilën “Los Blancos” e fituan me një rikthim “të çmendur” në vazhdimet e ndeshjes.

Sipas tij, Reali luajti më mirë, përkundër që “Qytetarët” i patën rastet e veta, por s’i shfrytëzuan. /Lajmi.net/