Videot janë publikuar në një nga faqe xhihadiste të internetit ku tregohet ngjarja. Një grup prej pesë ushtarëve irakianë me duar të lidhura pas shpine, janë paraqitur ulur në tokë.

Militantët tallen dhe i përqeshin ata, duke i quajtur armiq të Perëndisë, të cilët duhet të vriten.

Ushtarët detyrohen të brohorasin parullën e Shtetit islamik të Irakut dhe të Shamit (ISIS), lëvizjes radikale islamike që po zhvillon një ofensivë shoku në Irak që prej javës së kaluar.

Video tregon një prej të burgosurve të shtrirë në tokë me një plagë në kokën e tij, shkaktuar nga arma, me sa duket i ekzekutuar nga militantët. (lajmi.net)