Tjetër lajm i keq për Warriors, Raptors tashmë me gjasa reale për titullin

21:46 | 6 Qershor 2019

Në finalet e ‘Play Off’ në NBA duket se rrol tejet të rëndësishëm do të luajnë edhe lëndimet e lojtarëve.

Në tri ndeshjet e para, skuadra e Golden State Warriors nuk ka pasur mundësinë që të llogarisë në Kevin Durant e Kevin Looney, kurse në ndeshjen e tretë ishte edhe pa Klay Thompson.

Këto mungesa për mrekulli u shfrytëzuan nga Toronto Raptors, të cilët tashmë gëzojnë epërsinë prej 2:1 në këtë seri finale.

‘Sports Center’ raporton se Kevin Durant do të mungojë edhe në ndeshjen e katërt finale, transmeton lajmi.net.

Ky është një lajm shumë i madh për skuadrën veriore, të cilët tashmë mund të shkojnë në 3:1.

Gjërat duken pakëz më të mira për Warriors kur bëhet e ditur se gjasat janë të mëdha që Thompson të kthehet.

Mbetet të shihet se si do t’ia dali skuadra e Steve Kerr pa shërbimet e ‘Durantulas’ në ndeshjen e katërt. /Lajmi.net/