Gjithsej janë sekuestruar një kg e 251 gramë kanabis sativa dhe 19 doza heroinë. Prangat iu vunë 26-vjeçarit E.Xh., si dhe dy 24-vjeçarëve S.D. dhe A.B., që të tre këta me banim në kryeqytet, të cilët po udhëtonin me një automjet të marrë me qira, gjatë kontrollit të të cilit u gjet edhe lënda narkotike që po tentohej të shitej në zona të ndryshme të Tiranës, shkruan TopChannel.

Por, në vazhdën e këtij operacioni, policia ndaloi edhe shtetasin 55-vjeçar B.V nga kryeqyteti, person me precedentë penalë të mëparshëm ky, sërish për “prodhim e shitje lëndësh narkotike”. Policia kishte dyshime dhe informacione se ai merrej me shpërndarje drogash në Kombinat, Yzberisht dhe te rruga “e Qelqit”.