Tifozët holandezë vërshojnë në Itali, policia ndalon 54 persona – Lajmi.net
Tifozët holandezë vërshojnë në Itali, policia ndalon 54 persona
Autori: Lajmi.net Liga e KampionëveSport 23:53, 15 April 2019
Atmosfera sa vjen e bëhet më elektrizuese në Torino, aty këtë të martë Juventusi e Ajax do të përballen për të përcaktuar një ndër 4 ekipet gjysmëfinaliste në Ligën e Kampionëve

Që sot në Torino kanë zbarkuar tifozët e parë holandezë dhe policia e karabinierët janë mobilizuar, duke ushtruar kontrolle në autostradë, si dhe në afërsi të stadiumit dhe dyqaneve zyrtare të Juventusit.

Ka tension për shkak të trazirave në ndeshjen e vajtjes, sepse në Amsterdam u regjistruan përleshje mes tifozëve para ndeshjes.

Në Holandë u arrestuan rreth 200 tifozë italianë dhe historia po përsëritet në Torino, sepse policia italiane ndaloi 5 tifozë holandezë, të cilët kishin me vete doreza nga ato që përdorin huliganët për sherr.

Më vonë, policia urdhëroi kthimin pas dhe largimin urgjent nga Italia të 54 tifozëve holandezë, të cilët kishin me vete armë të ftohta, tymues dhe lëndë plasëse. /Lajmi.net/

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO