Të Infektuar: 1147

Të Shëruar: 874

Të Vdekur: 30

Tifozët e Liverpool të irrituar me klubin që i la pa paga punonjësit e vet

8:19 | 6 Prill 2020

‘Spirit of Shankly’, sindikata e mbështetësve të Liverpoolit, i ka kërkuar klubit të shpjegojë vendimin e tyre të diskutueshëm për t’i mos dhënë paga punonjësve të klubit.

Reds njoftoi të shtunën se ata ndjekin shembullin e Tottenham, Norwich, Bournemouth dhe Newcastle duke përdorur skemën e qeverisë.

Goal raporton që rreth gjysma e anëtarëve të stafit të klubit që nuk luajnë do të shkojnë në pushime, përfshirë punëtorët e shitjes me pakicë, stafin e medieve dhe anëtarët e ekipit të partneriteteve, transmeton lajmi.net.

Vendimi do të lejojë, klubin të kursejë rreth 750 mijë fu8nte në muaj gjatë 12 javëve të ardhshme.

Për dallim nga katër klubet e tjera që kanë marrë këtë vendim, Liverpool konfirmoi se i gjithë personeli  do të merrte pagë të plotë, me klubin të angazhuar për të ngritur pagat që tejkalojnë 2.500 funte në kufirin e vendosur nga Qeveria. Reds kanë thënë tashmë se i gjithë stafi i ndeshjeve dhe ai jo i ndeshjes do të paguhet plotësisht ndërsa Premierliga është pezulluar.

Vendimi i tyre për të çuar në pushim një pjesë të mirë të stafit, megjithatë, ka tërhequr kritika të gjera, përfshirë këtu edhe brenda bazës së tyre mbështetës.

Spirit of Shankly, i cili bashkëpunon ngushtë me një grup çështjesh, përfshirë biletën, diversitetin dhe sigurinë e tifozëve, lëshoi një deklaratë të shtunën në mbrëmje në të cilën ata mohuan raportet në një gazetë kombëtare që ata “kishin refuzuar të kritikonin” vendimin e Liverpoolit, duke e bërë një gjë të tillë dhe duke kërkuar shpjegime nga drejtuesit.

Është e pakuptueshme se si një ekip që edicionin e kaluar fitoi Ligën e Kampionëve, nuk ka financa të mbijetojë për shkak të krizës. /Lajmi.net/