Në bazë të një hulumtimi, ka dalë që çmimi mesatar i një bilete për t’a shikuar ndonjërën prej ndeshjeve në Angli është 53.76 funte, që është shuma më e lartë në botë.

Kjo nuk po u pëlqen tifozëve të ekipeve të elitës së futbollit anglez, andaj ata kanë vendosur t’i bashkojnë forcat për të protestuar.

Kevin Miles, nga Federata e Tifozëve të Futbollit, ka thënë se çmimet janë pengesë kryesore për fansat, që t’i përcjellin ndeshjet nëpër stadiume.

Aksione të ndryshme lidhur me çmimet e tiketave ka pasur edhe më herët në Premier Ligë.

Në ndeshjen mes Evertonit dhe Liverpoolit, tifozët e shfaqën një banderolë në të cilën shkruante “Mbështetës jo konsumatorë”.