Transferimi i Cesc Fabregas në Chelsea e ka marrë një përgjigje të shpejtë nga ana e disa tifozëve të Arsenalit, të cilët kanë vendosur t’i vënë flakën fanellës që e kishte veshur futbollisti spanjoll në kohën kur luante me Gunners.

Tifozët e Arsenalit ndihen të tradhtuar. Futbollisti, në vitin 2011 e kishte shprehur dashurinë e thellë për Topçinjtë, pasi kishte nënshkruar për Barcelonën.

“Një herë je Gunner, gjithmonë je Gunner”.

Mirëpo, ai nuk e mbajti fjalën dhe iu bashkua ekipit të Jose Mourinhos.

“Të gjithë e dinë se Arsenali ishte opsioni im i parë për të nënshkruar. Por, ata vendosën të mos më kërkojnë, kështu që rrugët tona u ndanë. Ua uroj të gjithëve më të mirat”, ka thënë Fabregas.