Thaçi viziton ekipin e Kosovës: Pjesëmarrja në Lojëra Olimpike, fitore e madhe për shtetin

11:16 | 10 Shkurt 2018

Presidenti i Kosovës, Hashim Thaçi është duke qëndruar në Peyong Chang ku po mbahen Lojërat Olimpike Dimërore.

 

Në këto lojëra për herë të parë po merr pjesë Kosova, me garuesin e vetëm, skitarin Albin Tahiri.

Thaçi ka njoftuar se sot ka vizituar ekipin olimpik të Kosovës, duke i uruar suksese Tahirit.

“Në fshatin olimpik të Pyeongchangut, sot vizitova ekipin olimpik të Kosovës. Skiatorit kosovar, Albin Tahirit, i urova suksese në garat që do t’i zhvillojë në ditët e ardhshme”, ka shkruar presidenti në facebook.

Ai tutje ka thënë se veç pjesëmarrja në këto lojëra, është historike për Kosovën.

“Vetë pjesëmarrja e tij dhe e Kosovës në Olimpiadë, është një fitore e madhe për shtetin tonë”, përfundon statusi i Thaçit në facebook.

Ndryshe, Albin Tahiri do të garojë në pesë disiplina. /Lajmi.net/

Image may contain: 2 people, people smiling, people standing

Image may contain: 8 people, people smiling, people standing, sky and outdoor