Sikur nuk mjaftuan tre golat e skuadrës së tij Juventus në fitoren 3:0 ndaj Napolit të dielën mbrëma, por Carlos Tevez vazhdon të jetë i ‘uritur’.

Përforcimi i ardhur gjatë afatit kalimtar të verës nga Manchester City ka shfrytëzuar rrjetin social Tëitter për të ngacmuar kundërshtarin e mbrëmshëm.

“Dua të haj një tjetër napolitane, por kësaj radhe le të jetë sikurse milaneze”, shkroi Tevez në profilin e tij zyrtar, duke aluduar në pica. Tevez ishte titullar në fitoren e kampionit të Italisë të realizuar falë golave nga Fernando Llorente, Andrea Pirlo dhe Paul Pogba.

Edhe ai ishte afër golit por goditjet e tij u pritën dhe devijuan nga portieri i Napolit, Pepe Reina. Falë kësaj fitoreje, Bianconerët i janë afruar në vetëm një pikë liderit Roma.