Kepa Arrizabalaga nuk ka bindur me paraqitjet e tij në Londër, dhe tashmë ka emra që përmenden si zëvendësues potencialë të tij.

‘Blutë’ e Londrës janë duke shpresuar që të heqin telashet për portën duke siguruar shërbimet e portierit gjerman.

‘Express’ shkruan se Chelsea po monitoron situatën e portierit të Barcelonës, Ter Stegen, transmeton lajmi.net.

Një nga emrat tjerë që përmendet është edhe ai i portierit të Ajax, Andre Onana, si dhe ai i Milan, Gianluigi Donnarumma.

Dje gjatë ditës, ‘Mundo Deportivo’ ka raportuar se Ter Stegen është i lumtur te Barca dhe i ka bërë të qartë menaxherit të tij se dëshiron qëndrimin.

Chelsea do të ketë punë të vështirë, për të mos thënë të pamundur për ta bindur portierin gjerman që të kalojë në Londër. /Lajmi.net/