Erik ten Hag thuhet të ketë reaguar pas intervistës së Cristiano Ronaldo.

Trajneri holandez, Erik ten Hag duket se s’ka mbetur aspak i kënaqur nga të thënat e Cristiano Ronaldo për ‘The Sun’.

CR7 pati shumë kritika për klubin e United, përfshirë trajnerin Ten Hag, për të cilin tha se nuk gëzon aspak respekt.

Sipas raportimeve të ‘ESPN’, Erik ten Hag ka reaguar privatisht te krerët e klubit, për deklaratat në fjalë, përcjell lajmi.net.

Thuhet se Ten Hag ka informuar bordin se ai nuk e do më Cristiano Ronaldon në klub.

Portugezi nuk do të luajë me fanellën e Manchester United derisa Ten Hag të jetë aty – së paku.

Edhe figura si ikona Rio Ferdinand thanë dje se Ronaldo ka mbyllur çdo rrugë për kthim në ‘Old Trafford’. /Lajmi.net/