Normalizimi i marrëdhënieve Prishtinë Beograd duhet të shkojë hap pas hapi së bashku me procesin e dialogimit, ka thënë Stefan Fule për gazetën beogradase Novosti.

Sipas tij, BE nuk është duke kërkuar nga Serbia ta njohë Kosovën, por t’i normalizojë marrëdhëniet.

“Është e domosdoshme që të gjendet një nivel i kënaqshëm i normalizimit të marrëdhënieve me Kosovën, në mënyrë që secila palë të mund të vazhdojë rrugën e saj drejt BE’së”.

“Nevojitet një zgjidhje e qëndrueshme dhe gjithëpërfshirëse për t’i zgjidhur të gjitha çështjet e hapura të cilat pengojnë në normalizimin e marrëdhënieve në mes të Kosovës dhe Serbisë”.