Policia e Kosovës ka njoftuar se gjatë një ahengu të mbajtur në rrugën “Sheshi i Arbërit” në Prishtinë janë dëgjuar të shtëna me armë zjarri.

Ngjarja ka ndodhur më 18 korrik 2025, rreth orës 12:30. Njësitë policore kanë dalë në vendin e ngjarjes dhe kanë gjetur 34 gëzhoja të plumbave, të cilat janë konfiskuar.

Gjatë kontrollit në shtëpinë ku ishte duke u mbajtur ahengu, policia nuk ka hasur në ndonjë send apo dëshmi të dyshuar. Rasti është duke u hetuar./Lajmi.net/