“Të lutem zot jo, jo nuk është e vërtetë”, reagimet pas vdekjes së Kobe Bryant

Aksidenti fatal me helikopterin e tij i ka marrë jetën legjendës së basketbollit, Kobe Bryant.

Sport

26/01/2020 22:30

Ky i fundit ishte duke udhëtuar për një ndeshje basketbolli bashkë me vajzën e tij 13-vjeçare Gianna, kur helikopteri u rrëzua rreth 40 milje në veri-perëndim të Los Angelesit, ndërsa autoritetet vendase konfirmuan se në bord ishin 5 persona, asnjëri prej të cilëve nuk ia doli të mbijetojë.

Lajmi ka tronditur botën në përgjithësi dhe ka pasur reagime të shumta pas vdekjes së Kobe, përcjell lajmi.net.

”Real Madrid CF janë thellësisht të mërzitur nga lajmi për vdekjen e Kobe Bryant, legjendës së basketbollit dhe sportit në botë. Klubi iu përcjell ngushëllime familjes dhe shokëve të tij, për humbjen që ka tronditur sportin anë e mbanë botës”, shkruhet në njoftimin e klubit spanjoll.

”Zemërthyer”, Lennox Lewis.

”Një legjendë e sportit na lë. Pusho në paqe Kobe. Borussia Dortmund shpreh ngushëllimet për familjarët dhe të afërmit e Kobe Bryant”.

”Nuk e di nga t’ia filloj. Kam filluar të luaj basketboll për shkak të Kobe, pasi shikova finalet e vitit 2010. Nuk kam shikuar më parë sport, dhe ato finale ishin kthesë në jetën time. Doja të isha si Kobe. Jam jashtëzakonisht i mërzitur tani”, Joel Embiid.

”Të shokuar me vdekjen e Kobe Bryant, një atlet shembull brenda dhe jashtë parketit të basketbollit. Ngushëllimet tona të përzemërta për familjen dhe të dashurit e tij. Pusho në paqe”, Barcelona.

” Ne jemi thellësisht të mërzitur për humbjen e dy here kampionit olimpik, Kobe Bryant. Jemi moralisht me familjarët dhe të dashurit e tij”, ekipi i SHBA.

”I shkatërruar”, Manu Ginobili.

”Klubi dëshiron të shpreh ngushëllimet më të thella për familjarët dhe shokët e Kobe, për Lakers dhe familjen e NBA, pas humbjes tragjike të Kobe Bryant. Pusho në paqe, legjendë”, PSG.

”Nuk ka mundësi… nuk ka mundësi, nuk ka mundësi… Të dua Kobe”, Jamal Crawford.

”Nuk kemi fjalë të shprehim sa të shokuar jemi të dëgjojmë humbjen tragjike të një prej sportistëve më të mire të të gjitha kohërave, dhe tifozin ‘Rosoneri’, Kobe Bryant. Jemi me mendje me familjarët e të prekurve nga ky aksident tragjik. Do të na mungosh gjithmonë, Kobe”, AC Milan.

”Jemi të shokuar dhe të mërzitur të mësojmë humbjen tragjike të Kobe Bryant. Bota e sportit ka humbur një legjendë të vërtetë. Ne dërgojmë ngushëllime të përzemërta për shokët, familjarët dhe të gjithë viktimat, në këtë kohë të mërzitshme”, Tottenham.

/LAJMI.NET/