Në ndeshjet e para pas Covid-19, të xhiros së 23 në Superligë, janë zhvilluar ndeshje interesante dhe ka pasur rezultate të ndryshme.

Më befasuese ishte barazimi i Ballkanit me Drenicën, që me këtë rast humbi kreun e Superligës, pasi Drita rrëmbeu pikët e plota në këtë xhiro.

Edhe skuadra tjetër për titull, Prishtina, mori pikët e plota në këtë xhiro, duke e shkatërruar 8-1 Ferizajn në ‘Fadil Vokrri’.

Kështu, diferenca tani mes tri ekipeve të para është vetëm dy pikë, Drita ka 46, Ballkani 45 dhe Prishtina 44, çka tregon qartë se edhe këtë edicion, gara për titull do të jetë e zjarrtë.

Aty është edhe Gjilani, që pavarësisht se barazoi në shtëpi me Trepçën ’89, mban ende gjallë shpresat për titull, me 42 pikë në pozitën e 4-t, katër pikë larg liderit Drita.

Më poshtë keni renditjen në tabelë pas xhiros së 23-të.