Sulmi në SHBA, Mustafa ngushëllon Qeverinë amerikane
Kryeministri i Kosovës, Isa Mustafa, i ka shprehur ngushëllime popullit dhe Qeverisë amerikane, pas sulmit vdekjeprurës në Florida, ku mbetën të vdekur dhjetëra njerëz dhe dhjetëra të tjerë u plagosën.
![](https://lajmi.net/wp-content/uploads/2016/05/13214922_10154099165665120_589007721_o.jpg)
Lajme
Kryeministri Mustafa ka shprehur pikëllimin e popullit dhe të Qeverisë së Kosovës pas këtij sulmi në SHBA, transmeton lajmi.net
“Populli i Kosovës bashkëndjenë dhembjen me familjarët e viktimave, me popullin dhe me Qeverinë Amerikane në këto momente të vështira”, thuhet në telegramin e kryeministrit Mustafa.
Duke shprehur solidaritetin e Republikës së Kosovës me Shtetet e Bashkuara të Amerikës, kryeministri Mustafa thekson po ashtu përkushtimin e Qeverisë së Kosovës në angazhimet e përbashkëta të botës demokratike, të prira nga SHBA-të, në luftën kundër të gjitha formave të terrorizmit. /lajmi.net