Sulm në një spital të Çekisë, gjashtë të vdekur

Gjashtë persona janë vrarë gjatë një sulmi në një spital në Republikën Çeke.

Bota

10/12/2019 09:54

Gjashtë njerëz janë vrarë nga të shtënat në një spital në Ostravë të Republikës së Çekisë, kanë njoftuar autoritetet lokale.

Sulmuesi i dyshuar është ende në arrati, tha policia.

Zyrtarët policorë u thirrën në spitalin e qytetit veri-lindor të Ostravës rreth orës 07:00, njoftoi ministri i Brendshëm.

Sipas raportimeve, të shtënat kanë ndodhur në një klinikë traumatologjike.

I gjithë spitali është evakuuar.

“Policia po kërkon intensivisht autorin e krimit”, u tha në njoftimin e policisë, transmeton rel.

Raportet e pakonfirmuara në mediat çeke thonë se sulmuesi ishte një burrë me një xhaketë të kuqe dhe ai hapi zjarr në një nga departamentet e spitalit.